السبت، 19 سبتمبر 2020

تجربتي مع موقع Zchocolate الفرنسي

 

نبذة عن Zchocolate

Jean-Philippe Khodara المؤسس لهذا البراند العالمي بدأ الفكرة في بداية عام 2000 وكان هدفه صناعة شوكلت غير عادي، كان هدفه ينتج شوكلت من مكونات عالية الجودة وطبيعية واستعان ببطل العالم لصناعة الشوكلت  Pascal Caffet وطبعا انتج اول خط انتاج للشوكلت واللي حقق شهرة عالمية في عالم الشوكلت الفرنسية. وبسرعة انتشر وذاع صيت البراند حول العالم، كانو مركزين على نقطتين اللي هي جودة الانتاج وخدمة العملاء الاحترافية. 



كيف طريقة الطلب؟

مثل كل مره لابد من التسجيل المسبق في الموقع حتى تتسوقين براحة وتكون بياناتك من ايميل وعنوان جاهزة قبل لا تسوين اي عملية شراء. 

هل الشوكلت فيها كحول؟

لا الشوكلت مافيها كحول الا نوع واحد اللي هو على شكل قلب 💗 اعتقد هو اللي فيه كحول. فيه وصف متكامل لكل صنف من الاصناف. ومجرد ماتدخلين تلاقين رسائل  وتنبيهات من الموقع ان الشوكلت لا يحتوي على الكحول. وبرضو لو حبيتي تسألينهم فيه الشات عندك  متواجدين وخدمتهم رائعه جدا.

هل الشوكلت يصل مبرد؟


نعم وهذا اللي يميزهم يجي بوكس مغلف بالعلب المثلجة ومحاط بالفلين . زي ماتشوفون تحت طلبي


هل أقدر اعدل على طلبي واطلب خدمة؟

نعم تقدرين تطلبين منهم طلب خاص، انا في طلبي حبيت انهم يغيرون العبارة اللي موجودة على البوكس (رمضان كريم) الى عيد فطر سعيد. وطبعا راسلتهم  ايميل قبل لا اطلب وعلموني الطريقة كيف اطلب الطلب الخاص وسوو لي التعديل وخدمتهم رائعه وردهم سريع.
قالو لي انه تقدرين ترفقين طلبك الخاص  بعد ماتحددين عنوانك وتختارين الشحن المناسب لك وتاريخ الشحن يظهر لك Special request  وهي خانة تعبئة الطلب الخاص واللي انا عبيت فيها طلبي الخاص بحيث يعدلون على العبارة من رمضان كريم الى عيد سعيد











الشيء الثاني اللي عجبني انه الطلب اللي طلبته دبلوه فصار عندي من كل مجموعة طلبت مجموعتين. مثلا مجموعة رمضان كريم فيها 4 بوكسات، اعطوني 8 بوكسات.



كيف طعم الشوكلت هل تستاهل من يطلبها؟

الصراحة الطلب اللي طلبته متنوع ولكن حابة انبه انه نسبة الكاكاو فيها عاليه والسكر قليل فهي غير عن اللي نشتريها عادة تكون فيها زبدة وحليب لا هذي اغلبها كاكاو خام وطبعا حشوات كثيرة وغريبة فعلا.


من الحشوات اللي عجبتني 


  • هذه رقمها 20 والحشوة بندق وشوكلاته بيضاءوفانيلا










  • هذي رقمها 19 فيها لوز محمص وحشوة مكسرات وعلى حسب الوصف انهم مقتبسة من من حشوة البقلاوة




  •  رقم 1 هذي للي يحبون الاشياء الغريبة، هذي دارك تشوكلت ولافندر وفانيليا، طعمها غريب ولا سبق ذقته في حشوات تشوكلت من قبلز



  • هذي رقمها صفر وزي ماهو واضح في الصورة انها تشوكلت بالحليب وحشوتها لوز محمص وبندق وبرالين لذيذه مره.


  • هذي رقمها 7 وطبعا تشوكلت بالحليب وحشوتها فستق ولوز برضو لذيذه.


  • وهذي رقمها 14 ونفس الشي تشوكلت بالحليب وزبدة الكاكاو والحشوة فستق مكرمل وبندق برضو طعمها لذيذ


وطبعا  مجموعة Zchocolate  لذيذه واعجبتني الشوكلت متنوع مابين دارك وحليب وابيض ولكن الحشوة برالين البندق مكرمل و المالح


اتمنى لكم تسوقا ممتعا 💗

رابط الموقع ادناه:

0 التعليقات:

إرسال تعليق